2 Kings 18

Asuv Houlu Hesekaea ten Out Sudah Musil Kat Iahova

2 King 18:1-8

1Navong asuv houlu Hosea, natin Elah, losil kat me-Isrel keil sua etel (3), me-Sudah keil avati lat Hasekaea, natin Ehas, mai vi asuv houlu one. 2Navong mai vi asuv houlu, kei, sua onen vi hanumau tai ka elim emun (25). Kei ro en out Serusalem ka losil kat meatin keil ten out Sudah sua hanumau tai ka ouhat emun (29). Mama onen, isen Abitsa koa vi natnahin Sakaraea. 3Asuv houlu Hesekaea mumon sakien keil koa mal en meten Iahova suval avu onen telamu, asuv houlu Deved. 4Kei mu rasilin ahor onen ahi savsav keil, kopas ahat votut keil vi soksokeite, ka ra kokoteh nana keil onen ahi Astata. Ka tamun, kei kopahas amot koa Mosis mumoni en brons koa me-Sudah keil avise en 'Nahustan' veni keil uva netan veni ka amunit senta keil vi sanien one mini. 5Hesekaea ling desien onen keih en Iahova, Ahi onen me-Isrel keil. Losilkatien onen tahos imok mulin losilkatien onen koakeil amulamu eni, vuo koakeil akatau eni. 6Musil kat Iahova ka rolong rastei ren. Kei kur kat revi mengkatien keil vasi koa Ahi sani min Mosis mulamu. 7Sakini, Iahova ro veni ka mumon tounah vasi koa Hesekaea mumoni mai tahos. Asuv houlu Hesekaea long sesein ren asuv houlu ten out Asiria ka enrovattei valong kati. Kei va ral min meatin tavaeen keil onen uva amulin me-Filistia keil en out vasi koa amul ien, en titi meteimal keil koa amul vesesal ven keil va rokol mari taon keil one en out Nggasa.

Navong asuv houlu Hesekaea mat, natnali Manase mai kur vulin.

8